मौ. सोनारी ता. भोकर येथील अवैध दारू विक्री बंद करावी बाबत ग्रामस्थ महिलांचे उप. वी. अ., तहसीलदार, पोलीस निरीक्षक यांना निवेदन.त्वरित बंद न झाल्यास दिला उपोषणाचा इशारा.

आपली नूज : प्रतिनिधी

भोकर (नांदेड )

दिनांक : 23/11/2022

भोकर तालुक्यातील मौ. सोनारी ता. भोकर येथे व परिसरात अवैध दारू विक्री अवैधरित्या जोमाने सुरु असून त्यामुळे अनेकांचे संसार उघड्यावर येत आहेत व कुटुंबातील वाद वाढत आहेत. त्यामुळे मुलांच्या भवितव्य बिघडत आहेत. त्यामुळे अवैध विक्री होणारी दारू त्वरित बंद करावी. अश्या आशयाचे निवेदन सोनारी येथील सरपंच बालाजी आकुलवाड व ग्रामस्थ महिलांनी तहसीलदार व पोलीस निरीक्षक यांना देण्यात आले आहे.

       सदर अवैध विक्री होणारी दारू त्वरित बंद करावी व योग्य ती कार्यवाही करावी. अन्यथा यापुढे नाईलाजास्तव लोकशाही मार्गाने उपोषण करण्यात येईल. असा इशारा येथील सरपंच बालाजी आकुलवाड व ग्रामस्थ महिलांनी दिला आहे.यावर प्रशासन काय कार्यवाही करेल. हा पुढील येणारा काळच ठरवेल.